|
Da neie Priener Bürgermeister
kummt aus Kulmbach
Per Inserat g´suacht und fast Zwoadritt´l der Stimmen erreicht
 (fw) 16.03.2008
– Wia is sowas eigentlich möglich? – wird
sich der Eine oder Andere g´fragt ham. In einem Ort wia Prien, wo doch de
ganzen Jahrzehnt scho oiba de soibe Partei des Sag´n g´habt hot.
Aber nein, schon vor sechs Joahr hat sich da was do! A
anderer Bürgermeister hat sich angekündigt, einer von den Freien Wählern hat
des Rennen g´macht weils endlich moi an der Zeit war, dass sich was duad. Nur
is der dann zur andern Partei g´wechselt und des hat viele net g´foin.
Und so nimmt die G´Schicht scho sein Lauf! Auch andre
Dinge war´n net so wia mas gern g´habt hättn. Do gab´s dann viele Reibereien
und des hat des Lager ganz schee g´spoitn.
Nach sechs Jahr is hot wieda moi so weit. A neier Bürgermeister
wird g´woid. Und da selbst der amtierenden Partei der oane net guad gnua war,
stellt ma gleich an neien mit dazu auf. A Junga, Dynamischer! Vielleicht zu jung
und dynamisch! Und de Partei hots oiba no net g´spannd, dass des scho wieda net
des richtige war.
 Na
ja, sogt sich der amtierende Bürgermeister, dann stoi i mi hoit selba auf! Werd
scho guad geh!
So ganz still und leis, ham die andern Partein inzwischen
per Anzeig an neien Bürgermeister g´suacht, und in Kulmbach g´fund´n. Völlig
unbekannt aber mit viel Herz hat sich der so einfach in die Herzen der Priener g´schlich´n.
Umsorgt von den Randparteien, die sich immer mehr g´mausert ham, hot der Neie
an fairen Wahlkampf g´macht, was ma von dem Oana net ganz behaupt´n kann. Aba
manche lerna´s hoit eben nie!
 Da
Erdrutsch bei da Wahl, der Junge war vielleicht doch z´jung oder war´s de
Partei, der Oide ohne Partei war doch scho z´oid oder??? Und der Neie? Ja man
glaubt´s net. Er überhoit alle! Mei, hot des dumme G´sichter geb´n. Ja wia
gibt´s denn so was in Prien? San d´Leit endlich aufg´wacht? Ham´s doch a
bisserl nachdenkt?
De Stichwahl muaß entscheid´n ob Oid oder Nei! Und man
glaubt´s net, scho nach kurzer Auszählung war schon zum abseh´n wer´s wird.
Do ham aba vui umg´schwengt!
Der Oide hot am Neia scho vorher gratuliert und is dann
schleinigst ganga. Der Junge hot a gratuliert und is blieb´n, net ohne Grund!
Mei war des a Applaus und der Neie hot sich ganz groß bedankt und hot g´sogt:
Das ist Ihr Verdienst ( do hot er uns g´moand) denn ich hab noch nichts
gemacht!
Wia Recht er doch hot! Aber jetzt hot er sechs Joahr Zeit
ob, a Bürgermeister per Anzeige, a des Herz hot des er so ausgiebig verteilt
hot.
Bei der anschließenden Party in da Villa am See ging´s dementsprechend hoch
her. Do hot der neie Bürgermeister, Jürgen Seifert, sich ordentlich bei seinen
Helfern bedankt und versproch´n sein Bestes zu geb´n.
I wünsch eam alles Guade dazua und hoff, dass de de eam g´woid ham a dazua
mithoiffa.
Euer Chiemgauer
|
